Беларускі канцэрн «Белнафтахім» правёў у Казахстане перамовы аб пастаўках нафты з кампаніямі KPO, NCOC, TOTAL, «Тэнгізшэўройл». Пра гэта паведаміў у аўторак журналістам міністр энергетыкі Казахстана Нурлан Нагаеў, піша ТАСС.
«Дэлегацыя «Белнафтахіма» была. Мы дапамаглі правесці перамовы з кампаніямі, якія патэнцыйна могуць пастаўляць нафту ў Беларусь. Мы арганізоўвалі сустрэчу з кампаніямі KPO, «Кашаган» (NCOC), «Тэнгізшэўройл», « Дунга» (TOTAL) і іншымі», — сказаў Нагаеў.
Паводле яго слоў, у сферу адказнасці міністэрства ўваходзіць падпісанне пагаднення аб пастаўках нафты з Казахстана ў Беларусь, якое цяпер знаходзіцца на ўзгадненні ў дзяржаўных органах. «Асноўная ўмова — гэта падпісанне пагаднення, а пастаўкі нафты, цана — гэта будзе на камерцыйных умовах, як яны (беларускі бок) дамовяцца з кампаніямі», — растлумачыў міністр. Як удакладніў Нагаеў, дата наступнай такой сустрэчы рэсурсатрымальнікаў з «Белнафтахімам» пакуль не вызначана.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары