Бабруйчанін памяняўся з гамельчуком аўтамабілямі, а пасля скраў сваю былую машыну
Інцыдэнт адбыўся ў ноч на 6 лютага, паведамляе міліцыя.
Двое мужчын, бабруйчанін і гамяльчук, дамовіліся пра абмен аўтамабілямі. У выніку абмену жыхар Бабруйска з'ехаў на машыне маркі «Форд Меркуры», а жыхар Гомеля застаўся з аўто «Форд Фокус».
Машыны не пераафармлялі, паколькі абедзве былі з расійскімі нумарамі — мужчыны проста абмяняліся дакументамі і машынамі.
6 лютага раніцай гамяльчук не знайшоў свой «Форд Фокус» на прыпаркаваным месцы і звярнуўся ў міліцыю.
Як аказалася, «Форд Фокус» быў адбуксіраваны «Фордам Меркуры», які дастаўся бабруйчаніну.
Былы ўладальнік «Форда Фокуса» разам з таварышам прыехаў ноччу на двор, дзе была прыпаркавана машына, адамкнуў яе, але завесці не змог. Тады змоўшчыкі вырашылі ўзяць аўто на буксір і праехалі так больш за 180 кіламетраў.
Каментары