У Мінску замежнікі праколвалі колы ў машынах, а пакуль уладальнікі іх мянялі, кралі рэчы з салона ВІДЭА
Аператыўнікі мінскай міліцыі 10 сакавіка затрымалі з доказамі злачынства двух замежнікаў, якія зараблялі крадзяжамі з аўтамабіляў, паведаміла афіцыйны прадстаўнік МУС Вольга Чамаданава ў сваім тэлеграм-канале.
33-гадовыя мужчыны «працавалі» з лютага. Як правіла, яны выбіралі ажыўленыя месцы каля гандлёвых цэнтраў. Пакуль адзін праколваў кола аўтамабіля, іншы назіраў за абстаноўкай. Калі ўладальнік транспарту пачынаў мяняць кола, іншы падыходзіў да аўтамабіля і непрыкметна выкрадаў з салона рэчы.
У такі спосаб было здзейснена мінімум пяць злачынстваў. Прычыненая шкода — 6000 рублёў.
Але ў аператыўнікаў ёсць усе падставы меркаваць, што злачынных эпізодаў на рахунку замежнікаў можа быць значна больш. Калі вы сталі ахвярай аналагічнага злачынства ў лютым-сакавіку гэтага года, просьба звярнуцца ў органы ўнутраных спраў па тэлефоне 102.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»50
Каментары