У Польшчы зафіксавана першая смерць ад каранавіруса. У Познані памерла 57-гадовая жанчына
Fot. Lukasz Cynalewski / Agencja Gazeta
Жанчына памерла ў гарадской бальніцы імя Струся ў чацвер. Стан яе быў вельмі дрэнны з самага пачатку паступлення ў бальніцу, паведамляе Wyborcza.
— 57-гадовая жанчына памерла апоўдні, — пацвярджае доктар Вітольд Драбер.
Пацыентка з сімптомамі дыхальнай недастатковасці была дастаўлена ў гарадскую бальніцу ў нядзелю. Першыя вынікі тэсту выключылі грып, а наступныя паказалі, што гэта можа быць каранавірус.
Жанчына пакутавала на хранічныя захворванні.
Муж і дачка жанчыны таксама заражаныя каранавірусам. Дактары ацэньваюць іх стан як добры.
Усяго ў Польшчы па стане на раніцу 44 выпадкі каранавіруса.
Каментары