Беларус не зразумеў, чаму яму вярнулі толькі 75% кошту білетаў на канцэрт
У Onliner звярнуўся Сяргей, які набыў два білеты на канцэрт гурта «Пікнік» у Палацы Рэспублікі за 490 рублёў, але праз праблемы са здароўем вырашыў іх вярнуць. У касе яму паведамілі, што вернуць толькі 75% кошту.
Сяргей расказаў, што ў пачатку снежня яму прапанавалі легчы ў бальніцу, таму на канцэрт 5 снежня ён трапіць не зможа. Мужчына кажа, што ён непрацуючы пенсіянер, а тыя 120 рублёў, якія ўтрымалі ў касе, для яго значная сума.
— Цяпер атрымліваецца, што, калі гэтыя білеты зноў прададуць, іх даход яшчэ больш павялічыцца. На мой погляд, гэта несправядліва.
Мы спыталі ў касе Палаца Рэспублікі, чаму пры вяртанні білетаў пакупніку аддаюць толькі 75% кошту. Там патлумачылі, што згодна з артыкулам 217 Кодэкса аб культуры пакупнік можа вярнуць уваходны білет не пазней чым за адзін каляндарны дзень да мерапрыемства. Пры гэтым яму вяртаюць не менш за 75% кошту білета.
У гэтую суму не ўваходзяць камісійны збор электронных білетных аператараў, плата за браніраванне і іншыя зборы, якія не ўключаныя ў кошт білета. Выключэнняў з гэтага правіла заканадаўствам не прадугледжана.
— Лакальным прававым актам Палаца Рэспублікі ўстаноўлена, што пакупніку вяртаюць 75% кошту ўваходнага білета, — удакладнілі спецыялісты.
Поўны кошт білета вяртаюць, калі змяніліся абвешчаныя час або месца правядзення мерапрыемства, яго замянілі іншым, змяніўся склад удзельнікаў, мерапрыемства адмянілі або адмовіліся ад яго правядзення. Гэта прадугледжана тым жа артыкулам 217 Кодэкса аб культуры.
Цяпер чытаюць
Расіянін месяц лётаў па Беларусі на машыне так, што атрымаў больш за 20 штрафаў на круглую суму7
Расіянін месяц лётаў па Беларусі на машыне так, што атрымаў больш за 20 штрафаў на круглую суму
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы6767
Каментары