Злучаныя Штаты прыпынілі выплату ўнёскаў у Сусветную арганізацыю аховы здароўя (СААЗ). Пра гэта паведаміў у аўторак на брыфінгу ў Белым доме прэзідэнт ЗША Дональд Трамп, піша tass.ru.
«Сёння я даручыў адміністрацыі прыпыніць унёскі ў СААЗ да правядзення ацэнкі ролі арганізацыі ў дрэнным кіраванні і ўтойванні [звестак] пра пашырэнне каранавіруса, — сказаў ён. — Усе ведаюць, што адбылося. Амерыканскія падаткаплатнікі ўносілі $400-500 млн у год у бюджэт СААЗ. Для параўнання: Кітай плаціў $40 млн».
«Адным з самых небяспечных рашэнняў [СААЗ] была крытыка ўведзенай ЗША забароны на авіязносіны з Кітаем і іншымі краінамі, — заявіў прэзідэнт. — На шчасце, я не прыслухаўся да іх рэкамендацый і адклаў пералёты, тым самым выратаваў тысячы і тысячы жыццяў <…> Паглядзіце на іншыя краіны, у прыватнасці Еўропы, якія паслухалі СААЗ і пакінулі межы адкрытымі».
Прэзідэнт ЗША абвінаваціў СААЗ у тым, што з-за яе няслушных ацэнак і рэкамендацый каранавірусам у свеце заразілася ў 20 разоў больш людзей, чым маглі б.
Паводле яго сцвярджэння, спецыялісты СААЗ даверыліся інфармацыі кітайскіх уладаў і паведамлялі, што вірус не перадаецца ад чалавека да чалавека.
«Яны казалі нам, што неабходнасці ў забаронах на перамяшчэнне няма, калі мы ўвялі забарону на ўезд», — адзначыў прэзідэнт ЗША.
«Рашэнне іншых буйных краін не зачыняць межы было адной з самых сур'ёзных трагедый і страчаных магчымасцяў на ранніх этапах. Здзяйсняючы нападкі ў дачыненні абмежаванняў на перамяшчэнне, СААЗ ставіла палітычную карэктнасць вышэй за выратаванне жыццяў», — упэўнены амерыканскі лідар.
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары