Нацбанк рэкамендаваў банкам знізіць гранічныя стаўкі па валютных дэпазітах.
З 1 красавіка стаўкі знізяцца да 10% гадавых, з 1 траўня ці з 1 чэрвеня яны могуць скараціцца яшчэ на 2%. Стаўкі па рублёвых дэпазітах пакуль застануцца ранейшымі.
Ініцыятыва Нацбанку прадыктаваная жаданнем не дапусціць далярызацыі эканомікі, як гэта было ў перыяд высокай інфляцыі, перадае БЕЛТА словы старшыні Асацыяцыі беларускіх банкаў (АББ) Фелікса Чарняўскага.
З 1 красавіка гранічныя стаўкі па валютным дэпазітам знізяцца да 10% гадавых. Гэта будзе не адзінкавае паніжэнне гранічных ставак, з 1 траўня ці з 1 чэрвеня яны могуць скараціцца яшчэ на 2%. Стаўкі па рублёвых дэпазітах пакуль застануцца ранейшымі.
«Адпаведна, будуць таннець і крэдыты, што выдаюцца ў валюце»,— заявіў Ф. Чарняўскі. Паводле яго меркавання, працэнтныя стаўкі па рублёвым дэпазітам у бліжэйшы час змяняцца не будуць.
Разавая дэвальвацыя нацыянальнай валюты, здзейсненая ў пачатку году прывяла да пераводу насельніцтвам рублёвых дэпазітаў у валютныя, адзначыў старшыня АББ.
Эканаміст Аляксандр Чубрык мяркуе, што памер працэнтных ставак мусіць усё ж рэгулявацца рынкам, а не Нацбанкам. Колькасць дэпазітаў і іх памеры сведчаць пра попыт насельніцтва на валюту.
Штучнае заніжэнне ставак можа негатыўна адбіцца на планах банкаў па прыцягненні валюты.«Гэта яшчэ пытанне, ці справакуе рашэнне Нацбанку адток валютных укладаў з банкаў, але ўкладальнікі мусіць пэўна ж задумаюцца, ці варта трымаць грошы пад такі нізкі працэнт» — кажа эканаміст.
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу20
Каментары