Аляксандр Лукашэнка лічыць, што заражаных каранавірусам грамадзян варта размясціць у абласных бальніцах. Адпаведнае даручэнне кіраўнік дзяржавы даў сёння, падчас паездкі ў Смалявіцкі раён, перадае БЕЛТА.
Кіраўнік дзяржавы пацікавіўся ў кіраўніка Мінскай вобласці, як развіваецца сітуацыя з каранавірусам у цэлым па краіне і ў цэнтральным рэгіёне ў прыватнасці. Як далажылі Лукашэнку, сітуацыя стабільная, рэзкага ўсплёску захворвання не адзначаецца.
«Будзем спадзявацца, што сітуацыя будзе развівацца вось так, як цяпер», — ацаніў абстаноўку Лукашэнка.
У той жа час ён лічыць неабходным перавесці інфіцыраваных COVID-19 з раённых цэнтраў у абласныя — гэта дапаможа лепш кантраляваць сітуацыю і аказваць хворым больш кваліфікаваную дапамогу. Да таго ж з'явіцца магчымасць давесці да ладу раённыя бальніцы, зыходзячы з ужо існуючага вопыту.
«Людзей лепш трымаць у абласных цэнтрах, не ў раёне», — сказаў Аляксандр Лукашэнка.
-
Стала вядома, якога святара-стараабрадца затрымалі ў Пастаўскім раёне
-
Хлопец з-пад Шаркаўшчыны пакінуў у спакоі сантэхніку — якую раней метадычна краў, — пайшоў у аўтаматчыкі і ўрэшце згінуў пад Купянскам
-
Грамадзяніну Літвы, што ладзіў у Пастаўскім раёне стараверскія богаслужэнні, пагражае дэпартацыя
Каментары