У галоўным храме Мінабароны Расіі з'явіцца мазаіка з Пуціным, Шайгу і Сталіным
На сценах галоўнага храма Узброеных сіл Расіі з'явяцца мазаікі з выявай прэзідэнта Уладзіміра Пуціна, кіраўніка Мінабароны краіны Сяргея Шайгу і савецкага дыктатара Іосіфа Сталіна. У РПЦ такое афармленне патлумачылі «традыцыяй», піша РБК.
У гутарцы з выданнем настаяцель храма епіскап Клінскі Стэфан паведаміў, што выява гістарычных асоб і падзей даўно дапускаецца ў рытуальных будынках. У гэтым выпадку плануецца паказаць анексію Крыма і людзей, якія бралі ў гэтым удзел.
Старшыня мастацкага савета па будаўніцтве храма протаіерэй Леанід Калінін удакладніў, што рашэнне аб выяве пэўных асоб прымаў яго савет, ніякіх узгадненняў з гэтымі людзьмі не было.
«Мастацкі савет лічыць гэтыя выявы абсалютна дарэчнымі, што адлюстроўваюць гістарычную праўду, адкуль нельга міжвольна вырваць старонкі», — сказаў ён.
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы19
Каментары