На пажары ў Нароўлі загінулі двое малых дзяцей мясцовага ўчастковага
Радамір і Мілена былі ў гасцях у прабабулі, калі ў доме пачаўся пажар. Жанчына таксама загінула.
Міністэрства ўнутраных спраў выказала спачуванні старшаму ўчастковаму Нараўлянскага РАУС капітану Аляксею Полазу ў сувязі са смерцю дваіх яго дзяцей — 10‑гадовага Радаміра і 5‑гадовай Мілены.
Бяда здарылася 14 чэрвеня. Тады адбыўся пажар на вуліцы Сацыялістычнай у Нароўлі. Загінулі 73‑гадовая жанчына і двое яе праўнукаў.
Аляксею Полазу 37 гадоў, ён нарадзіўся ў Мазыры. Пасля службы ў войску працаваў па кантракце ў калоніі №20 для рэцыдывістаў у Мазыры. Ажаніўся са студэнткай медыцынскага каледжа ў Нароўлі Таццянай Яроменка і перавёўся ў Нароўлю бліжэй да яе. Спачатку служыў у атрадзе аховы тэрыторый радыеактыўнага забруджвання, а пасля стаў участковым.
Аляксей Полаз адказвае за ўсе вёскі Нараўлянскага раёна, а 33‑гадовая Таццяна Полаз працуе старшай медсястрой у тэрапеўтычным аддзяленні раённай бальніцы і вучыцца на факультэце псіхалогіі і педагогікі Гомельскага дзяржаўнага ўніверсітэта.
Цяпер чытаюць
Памілаваныя 15 чалавек, сярод якіх 13 палітвязняў10
Каментары
Спачуваць міліцыянеру не надта хочацца. Бо ў 2020-м на заяву ў пракуратуру збітых у Мазыры 54-гадовых сужэнцаў - працаўніка НПЗ і школьнай настаўніцы - ГУУС Гомельскага аблвыканкама адказала, што ў "пресечнии несанкционированных массовых мероприятий был задействован ВЕСЬ личный состав органов внутренних дел области". Адпаведна, і гэты капітан душыў народны пратэст.
[Зрэдагавана]