Улады Казахстана вырашылі падоўжыць масачны рэжым да канца 2020 года. Пра гэта паведаміла галоўны санітарны ўрач рэспублікі Айжан Есмагамбетава, перадае NUR.KZ.
Есмагамбетава заявіла, што грамадзянам трэба прывыкнуць да існавання каранавіруса і навучыцца жыць з ім. «Мы будзем жыць з каранавірусам заўсёды, ён стане сезонным захворваннем», — папярэдзіла спецыяліст. Таму ў Казахстане да канца 2020 года прадпрыемствы і аб'екты павінны будуць пастаянна праводзіць дэзынфекцыю, выконваць масачны рэжым і дыстанцыяванне нават пасля зняцця каранціну.
Разам з тым з панядзелка ў краіне пачнуць працаваць цырульні, абменнікі і стаматалогіі.
У Казахстане выяўлена 3105 выпадкаў каранавіруса, памерлі 25 чалавек.
Каментары