Завяршыліся перамовы Беларусі з Сусветным банкам па прыцягненні пазыкі ў памеры 125 млн. даляраў.Пра гэта БелаПАН паведаміла спецыяліст па сувязях з грамадскасцю прадстаўніцтва СБ у Беларусі Ірына Алейнік.
Паводле яе слоў, бакі абмеркавалі ўмовы выдзялення пазыкі. Чакаецца, што ў маі-чэрвені пытанне аб выдзяленні крэдыту будзе вынесена на разгляд Рады дырэктараў Сусветнага банка.
Праект пагаднення аб пазыцы паміж Беларуссю і Сусветным банкам у якасці асновы для правядзення перамоў быў ухвалены ўказам прэзідэнта Беларусі ад 9 сакавіка 2009 года № 121.
Пазыка Сусветнага банку ў памеры 125 млн. даляраў неабходная для ўкаранення энергаэфектыўных тэхналогій на кацельнях камунальнай уласнасці і ў вялікай энергетыцы.Праект уключае рэканструкцыю двух аб’ектаў Мінэнерга (пераабсталяванне ў ЦЭЦ раённых кацельняў у Барысаве і Магілёве), а таксама чатырох камунальных аб’ектаў — у пасёлку Руба Віцебскай вобласці, у Ашмянах, Барысаве і Рэчыцы.
Гэтай ініцыятыве папярэднічала паспяховая праца краіны па мінулых праектах СБ. У прыватнасці, па мадэрнізацыі інфраструктуры ў сацыяльнай сферы Беларусі (першая пазыка склала 22,6 млн даляраў ЗША, дадатковая — 15 млн. даляраў) і па рэабілітацыі раёнаў, што пацярпелі ад аварыі на ЧАЭС (пазыковыя сродкі — 50 млн. даляраў).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі3
Каментары