Аляксандр Лукашэнка станоўча ацэньвае меры засцярогі, прынятыя грамадзянамі ва ўмовах эпідсітуацыі, піша БЕЛТА.
Лукашэнка пахваліў насельніцтва за тое, што ў цяперашні перыяд людзі самастойна імкнуцца прыняць меры, каб паберагчы здароўе. «Ёсць у мяне невялікія прэтэнзіі, але толькі невялікія. Людзі нашыя — малайцы. Куды трэба схадзіць, сходзяць — у краму, аптэку, на працу, вучобу.
Прыйшлі, адпачылі, падыхалі свежым паветрам, ляглі спаць. Старыя — тыя наогул ну проста малайцы. І мы нікога не «цкавалі», мы ім проста сказалі, у што гэта можа выліцца.
Таму вось наш стыль, наша сістэма барацьбы з каранавірусам. І не толькі з ім», — заявіў Аляксандр Лукашэнка.
Ён распавёў, што пакуль з дзіўнай дакладнасцю спраўджваецца прагноз, дадзены раней беларускімі спецыялістамі:
«Дай бог, каб нам прайсці гэты перыяд так, як мы спрагназавалі. Мы зараз залезлі наверх. Ледзь-ледзь упалі. І дай бог, каб было так, мы спакойна праз месяц скончым гэтую эпапею».
«Глядзіце за сабой, глядзіце за сваімі сем'ямі, каб не страціць працу, каб нейкі прыбытак быў. Каб мы перажылі, пакуль увесь свет, эканоміка спыніліся», — даў параду кіраўнік дзяржавы.
Аляксандр Лукашэнка адзначыў, што шматлікія краіны ўжо паступова адмяняюць каранцінныя мерапрыемствы, нягледзячы на тое, што праблема з каранавірусам і гібеллю людзей канчаткова не знятая. «Закрыць прасцей. А вось адкрыцца, каб людзі выйшлі, і другая хваля гэтай эпідэміі не накрыла, — гэта пытанне, — сказаў кіраўнік дзяржавы. — Таму пакуль я не бачу, у чым мы не маем рацыі. Можа, у чымсьці не маем рацыі. Можа, мы яшчэ не ўсё бачым. Пройдзе час — ацэнім сітуацыю, зробім адпаведныя высновы».
У Беларусі 18 350 (+861) выпадкаў каранавіруса. Лічбы паведаміў Лукашэнка
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары