Выведка Рэспублікі Карэя адхіляе магчымасць таго, што лідар КНДР Кім Чэн Ын мог перанесці хірургічную аперацыю на сэрцы. Паводле агенцтва Yonhap, пра гэта заявіў у сераду ў Сеуле прадстаўнік Нацыянальнай разведвальнай службы (НРС).
«Паведамленні аб праблемах Кім Чэн Ына са здароўем з'яўляюцца абсурднымі. Няма ніякіх прыкмет таго, што ён перанёс аперацыю», — цытуе яго агенцтва.
Прадстаўнік НРС таксама паведаміў, што з пачатку бягучага года колькасць публічных з'яўленняў лідара КНДР была мінімальнай за ўсю гісторыю назіранняў, што, верагодна, звязана з пандэміяй. Пры гэтым урад Паўночнай Карэі працуе ў звычайным рэжыме.
Кім Чэн Ын 11 красавіка правёў пасяджэнне Палітбюро ЦК Працоўнай партыі Карэі па пытаннях унутранай палітыкі, пасля чаго аж да 1 мая ў СМІ КНДР не было паведамленняў аб яго з'яўленні на афіцыйных мерапрыемствах. Гэта спарадзіла з'яўленне ў заходніх і паўднёвакарэйскіх СМІ сцвярджэнняў пра праблемы са здароўем у Кім Чэн Ына і нібыта перанесеную ім аперацыю.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення14
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары