У панядзелак, 11 мая, у Мінску прайшлі суды над затрыманымі актывістамі «Моладзевага блока» Данілам Лаўрэцкім і Лізай Пракопчык, якіх затрымалі 9 мая, піша «Вясна».
Лізу Пракопчык асудзілі на пяць сутак адміністрацыйнага арышту. Трое сутак яна ўжо адбыла.
Данілу Лаўрэцкага суд Савецкага раёна Мінска асудзіў на 13 сутак адміністрацыйнага арышту.
Супрацоўнікі міліцыі ў судзе Савецкага раёна затрымалі актывіста Пятра Маркелава. Ён затрыманы па арт. 23.4 КаАП (Непадпарадкаванне законнаму патрабаванню).
Таксама 9 мая міліцыя затрымлівала актывістаў «Моладзевага блока» Міхася Варанцова і Вераніку Яновіч. Увечары іх адпусцілі.
Нагадаем, 8 мая «Моладзевы блок» зладзіў акцыю з труной падчас генеральнай рэпетыцыі парада. Міхась Варанцоў здымаў акцыю на відэакамеру, але не ўдзельнічаў у ёй. Актывісты праз сваю акцыю хацелі звярнуць увагу на небяспеку наведвання масавых імпрэз у Дзень Перамогі ў Мінску.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі77
Каментары