Шрайбман пра першую прэс-канферэнцыю Бабарыкі: Ён спрабуе працягнуць руку частцы наменклатуры
Палітычны аглядальнік Арцём Шрайбман падзяліўся ўражаннямі ад першай прэс-канферэнцыі Бабарыкі.
Бабарыка падкрэслівае, што адносіцца да ЦВК і дзяржорганаў, уключаючы сілавікоў, з прэзумпцыяй даверу.
Шрайбман не думае, што гэта наіўнасць, хутчэй — спроба працягнуць руку частцы наменклатуры.
Аналітык лічыць, што Бабарыка не да канца ўсведамляе, як працуюць СМІ, і трохі эмацыйна рэагуе на вострыя пытанні, вучыць журналістаў, як іх трэба правільна фармуляваць. Гэта, адзначае Шрайбман, прыкмета недасведчаных палітыкаў.
Бабарыка не ідзе ў лоб з крытыкай на Лукашэнку. Сама ж павестка Бабарыкі — класічны лібералізм.
Адказу на пытанне пра абарону галасоў Бабарыка так і не даў, таму што ў гэтага пытання няма добрага адказу, лічыць аналітык.
Аглядальнік мяркуе, што план максімум Бабарыкі — сабраць рэальную большасць у надзеі, што наменклатура разгубіцца ад такога, але не будзе лічыць яго ворагам і таму асмеліцца не выканаць загад.
Цяпер чытаюць
Даследчыкі знайшлі месца ў Беларусі, дзе базуецца «Арэшнік»5
Каментары