Васіліса Марзалюк: Чаму спартсмены, якія выступаюць за дзейную ўладу, атрымліваюць столькі негатыву?
Чэмпіёнка Еўрапейскіх гульняў 2015 і 2019 гадоў, шматразовы прызёр чэмпіянатаў свету і Еўропы па вольнай барацьбе Васіліса Марзалюк разважае аб падзеях, якія адбываюцца ў інтэрнэт-прасторы, піша Звязда:
«Я ў прынцыпе стараюся абстрагавацца ад палітыкі, лічу, што не варта выказваць меркаванне наконт сваіх пераваг у гэтай сферы публічна. Яго я абсалютна дакладна выкажу 9 жніўня, калі прыйду на выбары. Як, напэўна, і кожны нармальны законапаслухмяны грамадзянін. Але пра тое, што адбываецца зараз у інтэрнэт-прасторы, не сказаць нельга. Здзіўляе і выклікае непаразуменне тое, што спартсмены, якія выказваюцца за цяперашнюю ўладу і добра адгукаюцца аб нашай краіне, атрымліваюць у адказ столькі хайпу, негатыву ў свой адрас. Але калі мы хочам дэмакратыі, калі пра яе гаворым, то кожны можа выказваць сваё меркаванне, а не падстройвацца пад чыёсьці, ці не так? Вельмі крыўдна і сумна назіраць, як людзі крыўдзяць адзін аднаго зараз на форумах і ў каментарыях», — кажа Марзалюк.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў57
Каментары