Дзмітрый Круты аб здарэнні з вадой у Мінску: Абсалютна звычайная, штатная сітуацыя
Намеснік кіраўніка адміністрацыі прэзідэнта Дзмітрый Круты пракаментаваў сітуацыю з забеспячэннем вадой у сталіцы, паведамляе СТБ.
— Не думаю, што тут ёсць нейкі ўжо занадта залішні форс-мажор. Магчыма, на фоне ў тым ліку палітычнай кампаніі, што праходзіць, любая падзея разглядаецца пад павелічальным шклом. І, натуральна, абсалютна звычайныя, штатныя сітуацыі, на жаль, выходзяць на такі ўзровень, — сказаў Круты.
— Зараз базавай версіяй з'яўляецца тое, што падчас рамонтных работ, калі замяняўся ўчастак водаправода, у пакінутай частцы вада на працягу месяца або паўтара месяца ва ўмовах спёкі і пад уплывам іншых фактараў знаходзілася ў застойным становішчы. Калі ўвесь водаправод быў звараны, яна трапіла ў сістэму, прайшоўшы праз адпаведныя сістэмы ачысткі, з рэагентамі і іншае. Але, тым не менш, выклікала такую сітуацыю. Гэта базавая версія, — адзначыў чыноўнік.
Нагадаем, жыхары некалькіх раёнаў сталіцы сутыкнуліся з рэзкім і непрыемным пахам. Пытанне забруджвання вады закранула больш за 2 тысячы сталічных дамоў — гэта звыш 700 тысяч чалавек.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары