У Шклове былі затрыманыя трое журналістаў «Белсата». Прыкладна праз тры гадзіны іх адпусцілі, але забралі іхныя тэлефоны.
Карэспандэнты Станіслаў Івашкевіч, Вольга Ратмірава і аператар Іван Мураўёў затрыманыя ў Шклове падчас здымак праграмы журналісцкіх расследаванняў «Давайце разбірацца».
Вядома, што затрыманне адбылося прыкладна а 15:30, сувязь з імі адсутнічала.
На момант затрымання яны не паспелі нават распачаць здымкі і дастаць абсталяванне з машыны. Журналісты ўбачылі за сабой сачэнне і вырашылі сысці, аднак не паспелі.
А 19-й гадзіне стала вядома, што ўсіх траіх журналістаў выпусцілі са Шклоўскага РАУС, аднак тэлефоны ў іх адабралі. Як прычына затрымання, так і нагода для канфіскацыі тэхнікі невядомыя.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары