Эйсмант расказаў, чым пратэсты ў Беларусі адрозніваюцца ад еўрапейскіх
Вулічныя акцыі ў Беларусі праходзяць толькі з адной мэтай — скінуць уладу. Такое меркаванне выказаў старшыня Белтэлерадыёкампаніі Іван Эйсмант у эфіры праграмы «Зразумелая палітыка» на БТ.
«Выказванне альтэрнатыўнага пункту гледжання, у тым ліку на вуліцах, — гэта нармальна. У нас ёсць спецыяльна адведзеныя для гэтага месцы, ёсць працэдура, яна даволі простая — выйсці на вуліцу можна па заяўным прынцыпе. Выходзяць і ў Польшчы, і ў Нямеччыне, і ў Францыі, і ў Вялікабрытаніі. Але, па-мойму, толькі ў нашай краіне ўсе выхады звязаны толькі з адной мэтай — скінуць уладу, — лічыць Іван Эйсмант. — У Брытаніі маці змагаюцца за свае правы, у Германіі «зялёныя» б'юцца з паліцыяй, нехта яшчэ адстойвае свае правы — у Бруселі выліваюць малако на вуліцы. У нас штораз гаворка ідзе пра тое, што трэба дасягнуць канчатковай мэты ў выглядзе звяржэння канстытуцыйнага ладу».
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня13
Каментары