Кім Чэн Ын, відаць, аддаў загад на будаўніцтва найбуйнейшага зброевага завода Паўночнай Карэі. Пра гэта сведчыць аналіз спадарожнікавых здымкаў амерыканскай кампаніі Planet Labs, паведаміў нью-ёркскі часопіс Newsweek.
Непадалёк ад месца новай вытворчасці ўжо існуе адзін вайсковы завод, але новы мусіць яго зацяніць.
Прадукцыя новага завода прызначана, верагодна, не столькі для Паўночнай Карэі, колькі для расійскай арміі. Кіраўнік карэйскага бюро Фонду Фрыдрыха Наўмана ў Сеуле Фрэдэрык Спор тлумачыць выданню Bild:
«Экспарт зброі ў Расію стаў для паўночнакарэйцаў надзвычай важнай крыніцай даходу. […] Паколькі ўкраінцы вывелі з ладу частку расійскіх дальнемагістральных бамбардзіроўшчыкаў, з якіх Расія запускала свае крылатыя ракеты, магчыма, што расіяне зробяць стаўку на балістычныя ракеты наземнага базавання — а паўночнакарэйцы пастаўляюць такія ракеты, у прыватнасці сваю балістычную ракету малой далёкасці KN-23».
Паводле даных міністэрства абароны Паўднёвай Карэі, вытворчасць боепрыпасаў у Паўночнай Карэі летась ішла поўным ходам; краіна паставіла расійскім войскам мільёны снарадаў і мноства ракет.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў15
Каментары