З БТ сышоў вядучы тэлепраекта Мінабароны і звярнуўся да вайскоўцаў
Аўтар вайсковай праграмы «Арсенал» на канале «Беларусь 1» Уладзімір Бурко напісаў у сваім фэйсбуку:
«Я больш не вядоўца гэтага тэлепраекта, сышоў сам, не без прыгод, але сышоў. 5 гадоў я негалосна быў медыйнай асобай міністэрства абароны Рэспублікі Беларусь.
Я ніколі б, нават у самым страшным сне, не падумаў, што салдаты і тэхніка, пра якія я расказваў, могуць быць ужытыя супраць свайго народа. Супраць мірнага насельніцтва краіны, супраць жанчын і, не дай Бог, дзяцей.
Я хачу звярнуцца да вайскоўцаў: салдатаў і афіцэраў. Вы чакаеце загаду. Вы выдатна ўсведамляеце, якім будзе гэты загад, і хутчэй за ўсё разумееце, якімі будуць наступствы для беларусаў, што проста хацелі справядлівасці, а атрымаюць ад вас кулю…
Паводле Бурко, ніхто не хоча вайны і ўсе акцыі праходзяць і будуць праходзіць мірна.
«Людзі хочуць справядлівасці, людзі просяць іх не падманваць, людзі просяць свабоды. За апошні пункт адказваеце менавіта вы, так што ўсё атрымаецца. Мы побач і заўсёды дапаможам».
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары