Прэзідэнт Польшчы Лех Качыньскі пацвердзіў, што возьме ўдзел у пражскім саміце «Усходняга партнёрства», хоць яшчэ няясна, ці прыедзе на саміт беларускі прэзідэнт Аляксандр Лукашэнка.
Заява зробленая ў сувязі з тым, што сваю незадаволенасць адносна магчымага прыезду Аляксандра Лукашэнкі ў Прагу ўжо выказала кіраўніцтва некаторых краін ЕС — напрыклад, прэзідэнт Чэхіі Вацлаў Клаўс. Найвастрэй супраць ягонага запрашэння выступаюць Нідэрланды і Швецыя.
У сваю чаргу, кіраўніцтва МЗС Польшчы адмовілася даваць ацэнку запрашэнню ці незапрашэнню ў Прагу Лукашэнкі. Яно падкрэсліла: галоўнае, што Беларусь надалей застаецца ўдзельніцай гэтага праекту.
0
0
0
0
0
0
