«Учора сустракаліся з паслом». Жыхары Віцебска, якія просяць прытулку ў Швецыі, правялі выходныя ў пасольстве
Віталь і Уладзіслаў Кузнечыкі з Віцебска, якія ў пятніцу пераскочылі праз плот шведскай амбасады, каб папрасіць палітычнага прытулку, выходныя правялі на тэрыторыі амбасады. Учора, распавёў TUT.BY Віталь, яны сустракаліся з паслом.
Нагадаем, у пятніцу жыхары Віцебска Віталь (47 гадоў) і Уладзіслаў (29 гадоў) Кузнечыкі прыбылі да пасольства Швецыі ў Мінску, каб папрасіць палітычнага прытулку. Калі дзверы ім не адчынілі, спаслаўшыся на тое, што ў амбасадзе не даюць палітычнага прытулку, бацька і сын пераскочылі праз плот. З таго моманту мужчыны знаходзяцца на тэрыторыі амбасады ў чаканні вырашэння іх сітуацыі.
— У нас усё нармальна, мы ўсё яшчэ ў пасольстве, — у панядзелак раніцай распавёў Віталь Кузнечык. — Мы забяспечаны ежай, спальныя месцы ў нас таксама ёсць. Учора мы сустракаліся з паслом, яна сказала, што сёння будуць вырашаць нашае пытанне.
— Пасол не казала, як яна можа вырашыцца?
— Пакуль незразумела, усё будзе залежаць ад сённяшніх перамоў.
Па словах Віталя, яны на сувязі з роднымі. У блізкіх усё добра.
— Да сям'і прыязджала міліцыя, пыталіся пра нас, — паведаміў суразмоўца. — З суседзямі таксама былі зносіны.
Раней Віталь і Уладзіслаў распавялі, што 6 верасня ў Віцебску ўдзельнічалі ў акцыі пратэсту, удзельнікаў якой жорстка затрымлівалі супрацоўнікі праваахоўных органаў. Кузнечыкам удалося пазбегнуць затрымання, але з тых часоў яны хаваліся. «Мы сышлі, але разумелі, што можа быць пераслед, — казаў Уладзіслаў. — Усё — мы сваю сям'ю не бачылі, тэлефоны адразу выключылі і засталіся ў знаёмых».
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?22
Каментары