Пасля таго як з-за метэазондаў з Беларусі вечарам у аўторак была парушана праца Віленскага аэрапорта, міністр замежных спраў Літвы Кястуціс Будрыс заявіў, што ў дачыненні да афіцыйнага Мінска рыхтуецца нота пратэсту, а ўся актуальная інфармацыя пра атаку будзе перададзеная саюзнікам.
Сярод гэтых партнёраў Злучаныя Штаты Амерыкі, з якімі Літва і надалей падтрымлівае цесныя сувязі, паведамляе LRT.
«Усю інфармацыю пра дзеянні, якія здзяйсняюцца супраць нас, мы перададзім і амерыканскаму боку. Разам будзем шукаць не толькі тое, як усё гэта назваць, але і вельмі канкрэтныя рашэнні. З ЗША ў нас пастаянныя кантакты. Мы маем вялікае прадстаўніцтва ў Вашынгтоне і падтрымліваем сувязь не толькі праз яго. Мы перадаём інфармацыю, назіранні, ідзе пастаянная камунікацыя», — падкрэсліў міністр замежных спраў.
Паводле слоў кіраўніка літоўскай дыпламатыі, уся актуальная інфармацыя пра дзеянні рэжыму Аляксандра Лукашэнкі ўжо пэўны час перадаецца партнёрам за Атлантыкай, і гэты працэс не спыняўся.
Адказваючы на пытанне, ці можна лічыць апошні наплыў кантрабандных балонаў дзеяннем беларускіх уладаў супраць Літвы, міністр адзначыў, што хоча дачакацца большай колькасці інфармацыі і не выключыў неабходнасці разглядаць розныя версіі.
«Існуюць розныя магчымыя тлумачэнні, але мы не павінны забягаць наперад», — сказаў Будрыс.
Паводле слоў кіраўніка Нацыянальнага цэнтра кіравання крызісамі Вільмантаса Віткаўскаса, да раніцы серады было выяўлена восем балонаў з кантрабанднымі цыгарэтамі, некалькі рэшткаў такіх балонаў, а таксама затрыманыя чатыры асобы.
Падлічана, што ўведзеныя абмежаванні ў аэрапорце закранулі больш за 1,7 тысячы пасажыраў.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
[Зрэдагавана]
Лепш Павука папрасіў бы, той затэлефануе каму з адпраўшчыкоў. Можа палепшае на які тыдзень.