Беларускі ўдзел на сёлетнім гіпер-поп-шоў абрастае скандаламі.
Беларускі ўдзел на сёлетнім гіпер-поп-шоў абрастае скандаламі.
Першая рэпетыцыя Пятра Ялфімава, удзельніка «Еўрабачання-2009» ад Беларусі, сарвалася з прычыны ўзніклых тэхнічных праблем.
Пра гэта заявіў на прэс-канферэнцыі ў Маскве, дзе пройдзе сёлета кантынентальны конкурс, рэжысёр-пастаноўшчык нумару Януш Юзэфовіч.
Выступ Ялфімава з кампазіцыяй Eyes That Never Lie суправаджаецца складанымі спецэфектамі. Але неабходнае праекцыйнае абсталяванне з невядомых прычын не было дастаўлена своечасова, паведамляюць РІА "Новості".
Тым часам Пётра высока ацаніў нумар беларуса Аляксандра Рыбака, які будзе прадстаўляюць Нарвегію.
Я чуў гэту песню – яна ўсіх парве, ён вельмі гарманічна ўпісваецца ў гэты твор».
***
Падрыхтоўка Ялфімава да «Еўрабачання» суправаджаецца перыядычнымі скандаламі (або хітрай піяр-кампаніяй). Спявак і ягоная піар-менеджэр Тацяна Касмачова неаднаразова ставілі пад сумнеў слушнасць выбару ў якасці рэжысёра-пастаноўшчыка Януша Юзэфовіча.
Праўда, эксперты заяўлялі, што гэта рабілася адмыслова, маўляў, «падсцяліць саломкі». Калі Ялфімаў праваліцца, то ўсё можна спісаць на кепска пастаўлены нумар.
***
Афіцыйнае адкрыццё Еўрабачання адбудзецца 10 траўня, першы паўфінал 12 траўня, другі – 14 траўня.
Фінал – 16 траўня.
Беларусь і Нарвегія разведзеныя па розных паўфіналах, таму мы галасаваць за Аляксандра Рыбака зможам хіба толькі ў фінале.
За сябе беларусы (той, хто знаходзіцца на тэрыторыі нашай краіны) галсаваць не могуць.
-
Ксёндз касцёла ў Жупранах грунтоўна адказаў на прэтэнзіі пра рамонт у храме, дзе пахаваны Багушэвіч
-
Уладзімір Някляеў з нагоды свайго 80‑годдзя напісаў сабе некралог — жартаўлівы і філасофскі
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
Каментары