Беларускія ўлады мусяць вызваліць усіх палітвязняў і ўступіць у дыялог з грамадзянскай супольнасцю. Пра гэта гаворыцца ў заяве Майка Пампеа на сайце Дзярждэпартамента ЗША.
Сёння больш за 100 чалавек, прызнаных палітзняволенымі, арыштаваныя за патрабаванне выканання сваіх правоў і свабод, за ўдзел у мірных пратэстах. Гэтыя людзі, па яго словах, утрымліваюцца пад вартай у небяспечных для жыцця ўмовах, падвяргаюцца катаванням.
— Мы яшчэ раз заклікаем беларускія ўлады неадкладна спыніць эскалацыю гвалту супраць мірных дэманстрантаў, вызваліць усіх затрыманых палітычных зняволеных і іншых мірных дэманстрантаў і ўступіць у канструктыўны дыялог з Каардынацыйнай радай і беларускай грамадзянскай супольнасцю, — заявіў Пампеа.
Цяпер чытаюць
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары