Пра гэта паведаміла з-за мяжы выдавец «Газеты Слонімскай» і газеты «Аддушына» Ганна Валадашчук, піша БАЖ.
— Наша прыватнае ўнітарнае прадпрыемства (ПУП «Рэдакцыя газеты «Газета Слонімская») накіравала ў Мінінфармацыі, на Белпошту і ў падатковую інспекцыю паведамленне аб прыпыненні дзейнасці па выданні нашых папяровых газет з 10 лістапада 2020 года па 9 траўня 2021 года. У нас забралі ўсю тэхніку, усе носьбіты інармацыі, пагражалі крымінальнай справай без усялікіх на тое законных падстаў. У такіх умовах выдаваць газету стала немагчыма, а нам давялося выехаць за межы Беларусі. Спадзяюся, калі сітуацыя зменіцца, мы зможам аднавіць выхад нашых газет, — сказала Ганна Валадашчук.
Што да сайта gs.by, то рэдакцыя шукае магчымасці аднавіць яго працу.
9 лістапада без папяраджання, але з санкцыяй пракуратуры міліцыянеры спачатку прыйшлі з вобшукам у кватэру Ганны Валадашчук, адкуль забралі 2 камп’ютары і ўсе носьбіты інфармацыі, а потым такім жа чынам вынеслі ўсю камп’ютарную тэхніку з рэдакцыі, паралізаваўшы працу па выпуску чарговага нумара газеты.
Учора стала вядома, што часова прыпыняе выхад на паперы і «Народная воля».
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні2
Каментары