Брытанскія вірусолагі лічаць, што расійская вакцына супраць кавіду таксама эфектыўная
Брытанскія навукоўцы-вірусолагі станоўча ацанілі паведамленне аб павышэнні эфектыўнасці расійскай вакцыны «Спадарожнік V» да 95% і лічаць, што гэта ўзгадняецца з вынікамі распрацовак іншых прэпаратаў. Пра гэта навукоўцы заявілі тэлеканалу CBC, піша РБК.
«Гэтыя вынікі ўзгадняюцца з тым, што мы бачым у дачыненні да іншых вакцын, бо гэта сапраўды вялікае паведамленне для навукоўцаў у галіне медыцыны пра тое, што гэтую хваробу [COVID-19] можна перамагчы з дапамогай вакцын», — заявіў прафесар фармакаэпідэміялогіі Лонданскай школы гігіены і трапічнай медыцыны Стывен Эванс.
Прафесар вірусалогіі Універсітэта Рэдынга Іэн Джонс пагадзіўся з ім, заявіўшы, што не бачыць прычын сумнявацца ў звестках аб эфектыўнасці расійскай вакцыны.
«Я згодны, што першапачатковыя вынікі выклікалі замяшанне, але я не думаю, што гэта з-за таго, што яны былі неабгрунтаваныя. Яны былі апублікаваныя трохі рана. Я думаю, што гэта будзе карысная вакцына», — растлумачыў ён.
Як паведамляе тэлеканал, станоўчыя ацэнкі навукоўцаў грунтуюцца на тым, што распрацоўкі, пакладзеныя ў аснову «Спадарожнік V», раз за разам пацвярджаюць сваю паспяховасць.
«Цяпер у нас ёсць чатыры вакцыны, якія эфектыўныя супраць COVID-19, што ўжо нашмат больш, чым у нас калі-небудзь было супраць ВІЧ ці малярыі», — падкрэсліў Эванс.
Менавіта расійская вакцына праходзіла выпрабаванні ў Беларусі, і, магчыма, менавіта ёй будуць прышчапляць у наступным годзе.
Цяпер чытаюць
Зяленскі: Рэтранслятары на мяжы Беларусі прыпынілі працу71
Каментары