Ціханоўская здзейсніць візіт у Іспанію. Гэта 10-я краіна, якую яна наведае з кастрычніка
Фота з тэлеграм-канала Святланы Ціханоўскай
21-23 снежня Святлана Ціханоўская наведае Мадрыд. Яна правядзе анлайн-званок з кіраўніком урада Іспаніі Педра Санчасам, сустрэнецца з міністрам замежных спраў Аранча Гансалес Лайя.
Таксама Святлана правядзе сустрэчы ў іспанскім парламенце і сустрэнецца з мясцовай дыяспарай, паведамляе яе прэс-служба.
Гэта 10-я краіна, якую наведае Ціханоўская з афіцыйным візітам, пачынаючы з кастрычніка. Яна рабіла візіты ў Латвію, Польшчу, Аўстрыю, Славакію, Данію, Швецыю, Нямеччыну, Нідэрланды, Бельгію, дзе сустракалася з кіраўніцтвам гэтых краін.
Таксама яна сустракалася ў Вільні з прэзідэнтам Францыі Эмануэлем Макронам, міністрам замежных спраў Канады Франсуа-Філіпам Шампанем.
У Лагойску пекар адмаўляецца прадаваць свой хлеб пакупнікам, у якіх ёсць сабакі84
Каментары