У праграме «Клуб рэдактараў» на БТ падвялі вынікі года.
«Калі казаць аб палітычных выніках года, то галоўны вынік — гэта сапраўды тое, што спроба дзяржаўнага перавароту ў краіне правалілася, — казаў дэпутат і лідар ЛДПБ Алег Гайдукевіч. — Многія нашы палітыкі дагэтуль жывуць жніўнем, а ўжо канец снежня — мы хутка будзем сустракаць Новы год. Прыйшоў час збіраць камяні, таму што не будзе гвалтоўнага звяржэння ўлады, рашэння лёсу Беларусі на вуліцы. Улада нікуды не сыдзе і не ўцячэ — гэта ўсё казкі, што відавочна і зразумела», — падкрэсліў ён.
Па яго словах, апошнія месяцы паказалі, што знешні ўплыў на Беларусь будзе ўзмацняцца. Гэта пацвярджае і ўвядзенне Еўрасаюзам санкцый. «Нарэшце мы зразумелі, што трэба прымаць закон аб замежных агентах, што трэба паставіць заслон супраць фінансавання любых палітычных ініцыятыў у краіне, таму што гэта заўсёды адстойванне чужых інтарэсаў», — сказаў Гайдукевіч.
Закон аб замежных агентах быў не так даўно прыняты ў Расіі. Да «замежных агентаў» будуць аднесеныя фізічныя асобы, якія займаюцца палітычнай дзейнасцю ў РФ, атрымліваючы грошы на сваю дзейнасць з-за мяжы. У адпаведнасці з законам, яны абавязаны даваць справаздачу аб выдаткаваных грошах і маркіраваць публікацыі. Таксама ім забаронена займаць дзяржаўныя пасады.
Чытайце таксама: Алег Гайдукевіч: Мая жонка тры дні плакала, калі пабачыла, што рабілася пасля 9 жніўня
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома14
Каментары