Калі б Беларусь мела другую АЭС, то краіне было б дастаткова купляць у Расіі блізу 10 млрд кубоў газу, заявіў Аляксандр Лукашэнка падчас наведвання холдынгу «Гарызонт» у Мінску 5 студзеня, піша «Інтэрфакс».
«Калі б мы мелі другую АЭС на ўсходзе, то нам 10 млрд кубоў газу хапіла б. Гэта ўжо вялікая незалежнасць ад манапаліста», — падкрэсліў Лукашэнка. Фрагмент яго выступлення паказалі ў эфіры тэлеканала СТБ у аўторак.
Ён нагадаў, што ўвод БелАЭС — «гэта 5 млрд кубоў газу з 20 млрд, якія мы купляем, не трэба ўжо купляць».
«Гэта ўжо вялікая незалежнасць. Бо паліва на 5 гадоў загружаецца і кошт яго пры цяперашніх цэнах да $150 млн. А колькі за газ трэба было б заплаціць?» — сказаў Лукашэнка.
Як паведамлялася, у 2019 годзе Беларусь імпартавала 20,261 млрд куб. м расійскага газу, за 10 месяцаў 2020 года адбор знізіўся на 9% — да 14,871 млрд куб. м.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары