Фатаграфіі і відэа ідэальна роўнага ледзянога кола на рацэ Лясная ў Камянцы разлятаюцца па сацсетках.
Людзей здзіўляе гэта незвычайная прыродная з'ява: мала таго, што лёд утварыўся ў форме кола, так яно яшчэ і круціцца!
— Гэта рэдкая з'ява для Беларусі, — тлумачыць kp.by краязнаўца Андрэй Асташэня з Камянца.
— У Камянцы ёсць мост праз раку Лясная. У гэтым месцы атрымліваецца такое як бы бутэлькавае рыльца: рака праходзіць пад мостам, потым рэзка пашыраецца, утворыцца невялікі вір. Нядаўна рэзка прыйшоў моцны мароз, на рацэ стаў лёд. Буйныя крыгі трапілі ў вір, іх закруціла, маса лёду стала нарошчвацца — і ўтварылася кола. У дыяметры каля 25-27 метраў, — распавядае Андрэй Асташэня.
Цяпер велізарнае ледзяное кола перастала круціцца — яно спынілася, умерзла ў лёд на рацэ. І яго ўжо занялі рыбакі. Кажуць, лёд быў даволі моцны — не менш 10 см таўшчынёй. І хоць раку прыцерушыла свежым снегам, абрысы кола на рацэ ўсё яшчэ бачныя.
Праўда, невядома, ці перажыве кола пацяпленне.
Цяпер чытаюць
Былога супрацоўніка контрразведкі КДБ арыштавалі за здраду дзяржаве11
Каментары