МЗС: Дзівіць цынізм і двудушнасць Эстоніі, якая працягвае ўпівацца статусам непастаяннага члена Рады Бяспекі ААН
У Міністэрстве замежных спраў Беларусі заявілі аб цынізме і двудушнасці Эстоніі, якая, будучы непастаянным членам Рады Бяспекі ААН, стала арганізатарам анлайн-пасяджэння Рады Бяспекі з удзелам Святланы Ціханоўскай.
«Так, Беларусь — маладая незалежная еўрапейская дзяржава, у якой працягваюцца працэсы станаўлення як у журналісцкай супольнасці, так і ў прававой сістэмы яе рэгулявання. Так, не ўсё яшчэ гладка і ёсць аб'ектыўныя пытанні, якія патрабуюць рашэння. Але нацягваць гэта, хоць і нефармальна, на пляцоўку ААН проста абсурдна. І нават на гэтым фоне дзівіць цынізм і адкрытая двудушнасць Эстоніі, якая працягвае ўпівацца статусам непастаяннага члена Рады Бяспекі ААН», — заявіў журналістам прэс-сакратар МЗС Анатоль Глаз.
«Удзельнікам з альтэрнатыўным пунктам гледжання было проста адмоўлена ў рэгістрацыі. Напэўна, пабаяліся парушыць зрэжысаваны ход спектакля. І гэты тэатр з ужо далёка не свежымі акцёрамі вандруе з адной міжнароднай пляцоўкі на іншую. На жаль, гэтым разам фальшывай гульнёй заплямілі сцены галоўнай міжнароднай арганізацыі», — канстатаваў прадстаўнік беларускага знешнепалітычнага ведамства.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары