20-гадовая жыхарка Брэста вырашыла паспрабаваць на трываласць лёд — і ледзь не патанула
Нецвярозая дзяўчына правалілася ў палонку на беразе Мухаўца ў раёне Гузнянскага моста раніцай у панядзелак
Відавочцы пабачылі дзяўчыну ў палонцы прыкладна за 30 метраў ад берага і патэлефанавалі ў МНС. Першым на месца здарэння прыбыў дзяжурны выратавальнай станцыі №2, паведамляе Брэсцкая газета.
Глыбіня Мухаўца ў гэтым месцы каля аднаго метра, а таўшчыня лёду — не большая за 4 см. Таму дзяўчыну ўдалося выратаваць пры дапамозе выратавальных сродкаў. З пераахаладжэннем яна шпіталізаваная.
Аднак з пачатку гэтага года гэта ўжо 10-ы выпадак у Брэсцкай вобласці. Тры чалавекі патанулі, шасцярых удалося выратаваць, у тым ліку адно дзіця.
Каментары