Адна з асноўных мер прафілактыкі птушынага грыпу H5N8 — не есці дзікую птушку, дрэнна апрацаванае мяса і сырыя яйкі.
Гэтую меру ў размове з тэлеканалам «Мір 24» назваў дырэктар навуковага цэнтра па прафілактыцы і лячэнні вірусных інфекцый Георгій Вікулаў, піша lenta.ru.
Паводле яго слоў, па выніках папярэдніх эпідэмій можна казаць, што ў людзей, якія заразіліся гэтым вірусам, дастаткова высокая лятальнасць.
Раней вядучы навуковы супрацоўнік Федэральнага навуковага цэнтра даследаванняў і распрацоўкі імунабіялагічных прэпаратаў імя Чумакова РАН Аляксандра Гамбаран ацаніла верагоднасць заражэння птушыным грыпам у выніку ўжывання мяса курыцы. Па яе словах, гэта немагчыма, заразіцца птушыным грыпам рызыкуюць толькі работнікі птушкаферм.
Учора стала вядома, што сем супрацоўнікаў расійскай птушкафабрыкі, размешчанай у паўднёвым рэгіёне краіны, упершыню ў свеце заразіліся новым штамам — H5N8. Успышка грыпу сярод пагалоўя птушак была зарэгістраваная на прадпрыемстве ў снежні 2020 года. Па словах Паповай, у цяперашні час людзі адчуваюць сябе добра, а захворванне ў іх працякала вельмі лёгка.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў10
Каментары