Эфектыўнасць вакцыны ад COVID-19 карпарацый Pfizer і BioNTech у Ізраілі, дзе на гэты момант ад каранавіруса прышчэплены самы вялікі працэнт насельніцтва ў свеце, перавысіла 95%. Такія звесткі апублікавала Міністэрства аховы здароўя Ізраіля, піша «Радыё Свабода».
Гэта значыць, што сярод людзей, якія атрымалі дзве дозы вакцыны, колькасць хворых на каранавірусную інфекцыю на 95% менш, чым сярод не прышчэпленага насельніцтва. У дачыненні да цяжкай формы інфекцыі і да смяротнага выніку гэты паказчык дасягае 99 працэнтаў.
У ходзе клінічных выпрабаванняў да пачатку вакцынацыі эфектыўнасць вакцыны ацэньвалася ў тыя ж 95%.
Даследаванне, як паведамляе Der Spiegel, таксама паказала, што вакцына эфектыўная не толькі для абароны ад інфекцыі, але і прадухіляе яе перадачу — у 89,4% выпадкаў вакцынаваныя не перадаюць вірус іншым людзям.
Каментары