Піневіч паабяцаў, што з наступнага тыдня вакцынацыя ад каранавіруса стане больш інтэнсіўнай
Пра гэта паведаміў журналістам міністр аховы здароўя Дзмітрый Піневіч, піша БелТА.
«На наступным тыдні (з 15 сакавіка) мы пачынаем вакцынацыю больш інтэнсіўна — упершыню пачнуць прышчапляцца больш за 90 тыс. чалавек.
Ужо завяршылі вакцынацыю 20 тыс. чалавек, і 10 тыс. будзе ў другі этап. Гэта значыць, у нас будзе 120 тыс. вакцынаваных», — распавёў міністр. Паводле яго слоў, у найбліжэйшы час у Беларусь паступіць 100 тысяч доз расійскай вакцыны.
«Канец сакавіка — красавік — гэта той перыяд, калі вакцынацыя выйдзе за межы тых кантынгентаў, якія мы пазначалі адразу: работнікі медыцынскія, сацыяльныя, гандлёвыя, транспартныя», — адзначыў Дзмітрый Піневіч.
Ён растлумачыў, што акрамя медработнікаў у першую чаргу будуць прывіваць супрацоўнікаў адукацыі і органаў сацыяльнай абароны, асабліва тых, хто працуе ў інтэрнатах для пажылых людзей з кругласутачным знаходжаннем. Гэты ўразлівы кантынгент неабходна засцерагчы ў першую чаргу, перакананы міністр.
«З улікам таго, што вакцыны (і расійская, і інактываваная кітайская) маюць паказанні «60 плюс», будзем глядзець (магчымасць вакцынаваць) і кантынгенты пажылога насельніцтва, нашых бабуль і дзядуль», — сказаў Дзмітрый Піневіч.
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары