СК хоча забараніць дзейнасць каманды Сцяпана Пуцілы і прызнаць яе замежнай экстрэмісцкай арганізацыяй
Следчы камітэт ініцыяваў прызнанне каманды, створанай Сцяпанам Пуцілам, замежнай экстрэмісцкай арганізацыяй, а таксама забарону яе дзейнасці на тэрыторыі Беларусі. Пра гэта гаворыцца на сайце СК.
Следчыя заяўляюць, што знайшлі ў тэлеграм-каналах «неаднаразовыя факты заклікаў да пратэстаў, блакавання дарог, забастовак, каардынацыі несанкцыянаваных масавых мерапрыемстваў з указаннем канкрэтных месцаў правядзення, а таксама маршрутаў перамяшчэння».
Следства сцвярджае, што высветліла асоб, датычных да стварэння кантэнту канала. І што ёсць «факты, якія пацвярджаюць, што дзейнасць вышэйзгаданых асоб аб'яднаная ў арганізацыю, офіс якой размешчаны ў горадзе Варшава. Акрамя апісанага яны фінансава падсілкоўваліся і ад размяшчэння рэкламы на экстрэмісцкіх рэсурсах».
СК піша, што ў дзейнасці Сцяпана Пуцілы і яго каманды ёсць прыкметы замежнай экстрэмісцкай арганізацыі.
«Цяпер УСК па горадзе Мінску ініцыявана прызнанне рэдакцыі, фактычна створанай Сцяпанам Пуцілам і іншымі асобамі, замежнай экстрэмісцкай арганізацыяй, а таксама забарона яе дзейнасці на тэрыторыі Рэспублікі Беларусь. Матэрыялы падрыхтаваныя і ўжо перададзеныя ў кампетэнтныя органы для прыняцця рашэння», — пішуць прадстаўнікі ведамства.
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары