Пад Андрэеўкай украінскія вайскоўцы знішчылі калону расійскай бранятэхнікі ВІДЭА
Расійская дэсантна-штурмавая група з 12 браняваных машын рушыла ў наступ паходнай калонай і была цалкам знішчаная дронамі і артылерыяй.
Кадры знішчэння расійскай дэсантна-штурмавая група апублікаваў Генеральны штаб УСУ. Паводле звестак штаба, праціўнік спрабаваў прарвацца да ўкраінскіх пазіцый у раёне сяла Андрэеўка ў Данецкай вобласці, задзейнічаўшы два ўзводы пяхоты і 12 адзінак бранятэхнікі — баявых машын пяхоты і танкаў.
Аднак наступ быў арганізаваны ў форме шчыльнай паходнай калоны, што зрабіла расійскія сілы лёгкай мішэнню для ўкраінскай артылерыі і беспілотнікаў.
Прычынай такога прасоўвання, як мяркуецца, стала адсутнасць у расіян дастатковай колькасці тэхнікі з інжынерным абсталяваннем — у прыватнасці, з міннымі траламі. Гэта не дазволіла ім прасоўвацца праз замініраваныя палі, таму расійскія падраздзяленні былі вымушаныя ісці ўсім саставам па адной асфальтаванай дарозе, што значна павялічыла рызыку паражэння.
У выніку група трапіла пад інтэнсіўны абстрэл, а падрыў на супрацьтанкавай міне першай машыны і паражэнне некалькіх іншых прывялі да блакіроўкі ўсёй тэхнікі.
Паведамляецца, што пяхота, якая рухалася побач з тэхнікай, панесла вялікія страты ад артылерыйскага агню і выкарыстання касетных боепрыпасаў. Паводле пацверджанай інфармацыі, страты праціўніка склалі 18 загінулых і 7 параненых. Уся бранятэхніка была выведзена са строю — сем адзінак цалкам згарэлі.
Генштаб Украіны не ўдакладніў, якія канкрэтна падраздзяленні прымалі ўдзел у адбіцці атакі, але вядома, што абарону ў раёне Андрэеўкі трымаюць байцы 46-й асобнай дэсантна-штурмавой брыгады.
Расійскі бок аб гэтым нічога не паведамляе.
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары