Выйшла кніга пра асабістыя звычкі Макрона, у якой назвалі яго любімы водар. Вытворца водару не вельмі радуецца навіне
Палітычны аглядальнік выдання Le Parisien Аліўе Бамон выдаў кнігу, у якой апісвае кулуары палітычнага жыцця Францыі і асаблівасці побыту прэзідэнта Эмануэля Макрона. Адна з самых яркіх дэталяў — прыхільнасць кіраўніка дзяржавы да пэўнага парфуму, піша аглядальнік Аляксандр Фрыдман.
Аліўе Бамон сцвярджае, што Елісейскі палац літаральна прапах духамі Dior. Паводле аўтара, прэзідэнт Францыі карыстаецца туалетнай вадой Eau Sauvage у «прамысловых маштабах». Гэтым самым водарам карыстаецца і ягоная жонка Брыджыт Макрон.
Арамат Eau Sauvage быў створаны ў 1966 годзе легендарным парфумерам Эдмонам Рудніцкім для Christian Dior. У 2026 годзе парфум адзначыць сваё 60-годдзе. Гэта адзін з самых папулярных водараў як у Францыі, так і за яе межамі — але пры гэтым гэта не эксклюзіўная прадукцыя прэміум-класа, якой можна было б чакаць ад прыхільніка раскошы, якім часта прадстаўляюць Макрона.
Для Dior гэтая кніга мае дваістае значэнне. З аднаго боку, яна прыцягвае ўвагу да культавага водару і павышае пазнавальнасць брэнда. З іншага боку, нізкая папулярнасць Макрона сярод часткі насельніцтва можа адштурхнуць некаторых спажыўцоў ад Eau Sauvage.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі4
Каментары