У праваслаўных сёння вялікае свята — Дабравешчанне. Гэты дзень лічыўся пачаткам вясны
Праваслаўныя вернікі сёння адзначаюць адно з самых вялікіх гадавых святаў — Дабравешчанне Прасвятой Багародзіцы.
Гэтае свята адзначаецца ў памяць пра тое, яе арханёл Гаўрыіл, пасланы Богам у горад Назарэт, апавясціў Дзеву Марыю пра бязгрэшнае зачацце і нараджэнне ёю Сына.
Слова «дабравешчанне» (па-грэчаску — «евангелле») азначае «добрая, радасная вестка», вестка пра тое, што пачалося вызваленне чалавечага роду ад граху і вечнай смерці.
Дабравешчанне таксама супадае ў народным уяўленні з пачаткам вясны.
Таксама па сённяшнім дні меркавалі, якім будзе лета. Калі цёплы дзень, то і лета будзе цёплым.
Таксама лічылася, што ў гэты дзень нельга працаваць, тым больш у гародзе. «На Дабравешчанне дзеўка касу не пляце, птушка гнязда не ўе», — казалі ў народзе.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?21
Каментары