У трох выпадках быў учынены наезд на пешаходаў.
Паводле звестак упраўлення ДАІ МУС, з шасці выпадкаў у трох быў учынены наезд на пешаходаў.
Так, 21 чэрвеня ў 22.00 у Дзяржынскім раёне неўстаноўленым аўтамабілем быў учынены наезд на 37‑гадовага жыхара Мінска. Ад атрыманых траўмаў мужчына памёр на месцы здарэння. У гэты ж дзень у Маларыцкім раёне 51‑гадовы жыхар Маларыты, кіруючы аўтамабілем «ГАЗ», учыніў наезд на мясцовую жыхарку‑пенсіянерку, якая загінула.
Паблізу ад пасёлка Карма ноччу 21 чэрвеня 28‑гадовы вадзіцель мікрааўтобуса «Фольксваген» учыніў наезд на 37‑гадовага мужчыну. Пешаход памёр, а вадзіцель уцёк з месца здарэння, аднак быў затрыманы супрацоўнікамі міліцыі.
Паводле звестак ДАІ, за пяць месяцаў гэтага года з месца 217 дарожна‑транспартных здарэнняў вадзіцелі ўцяклі.
У гэтых здарэннях загінулі 49 чалавек і 193 былі паранены. На думку ДАІ, многія з загінулых маглі б выжыць у выпадку своечасовага аказання медыцынскай дапамогі.
Усяго 20 і 21 чэрвеня ў Беларусі адбылося 34 ДТЗ з пацярпелымі. Раненні атрымалі 38 чалавек, у тым ліку трое дзяцей.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары