Берасцейца Аляксандра Кардзюкова прызналі вінаватым у замаху на забойства вайскоўца, які падчас пратэстаў быў у цывільным адзенні. Яму прысудзілі 10 гадоў калоніі ўзмоцненага рэжыму. Кардзюкоў віну не прызнаў. На судзе ён заяўляў, што не ведаў, што пацярпелыя пры выкананні, паколькі яны былі без формы, не прадстаўляліся і не прад'яўлялі дакументы.
Такім чынам, у Беларусі ўжо 371 палітвязень.
Нагадаем, 25 лютага ў Брэсце вынеслі прысуд нябожчыку Генадзю Шутаву, якога смяротна паранілі ў галаву падчас пратэстаў 11 жніўня, і яго сябру Аляксандру Кардзюкову.
Суд прызнаў Шутава і Кардзюкова вінаватымі ў супраціве з ужываннем гвалту, а Кардзюкова — яшчэ і ў замаху на забойства асобы, у сувязі з ажыццяўленнем ёй службовай дзейнасці. Кардзюкову прызначылі 10 гадоў калоніі ўзмоцненага рэжыму.
Цяпер чытаюць
Лукашэнка нервова пракаментаваў візіт Ціханоўскай у Кіеў6
Каментары