Падатковая запатрабавала ў Ціханоўскага заплаціць падатак са знойдзеных за канапай 900 тысяч даляраў. Той не пагадзіўся і падаў скаргу ў суд
У Гомелі 13 мая адбылося судовае пасяджэнне па скарзе Сяргея Ціханоўскага на рашэнне падатковай аб спагнанні з яго празмернага падатку з 900 тысяч даляраў, якія знайшлі на яго дачы за канапай. Суд Савецкага раёна горада, дзе разглядалася скарга, абвясціў пасяджэнне закрытым, пішуць Моцныя навіны.
Палітвязень сцвярджае, што не мае ніякага дачынення да гэтых грошай. Падатковая, у сваю чаргу, патрабуе выплаціць з іх празмерны падатак. Паводле пастановы дзяржоргана, Ціханоўскі павінен заплаціць у бюджэт 257 тысяч 992 рублі і 72 капейкі.
Ціханоўскі падаў скаргу. Яго інтарэсы ў рамках разгляду справы прадстаўляла адвакат Наталля Мацкевіч.
Падчас пасяджэння прадстаўніца дзяржоргана хадайнічала аб разглядзе справы ў закрытым рэжыме, бо ў матэрыялах фігуруюць дакументы са службовай інфармацыяй, якія змяшчаюць камерцыйную і падатковую таямніцу. Адвакат Ціханоўскага запярэчыла, падкрэсліўшы, што гэтыя матэрыялы не прадстаўленыя суду і не апісаныя. Наталля Мацкевіч таксама адзначыла, што закрытыя судовыя пасяджэнні спараджаюць у грамадстве недавер да справядлівасці і законнасці прыняцця рашэнняў па разгляданых справах. Суд пасля працяглай нарады прыняў рашэнне зрабіць пасяджэнне закрытым.
Нагадаем, 3 чэрвеня ў дачным доме Сяргея Ціханоўскага пад Гомелем пры ператрусе знайшлі 900 тысяч даляраў. Ператрус праводзіўся ў прысутнасці панятых і маці палітвязня, на якую зарэгістраваны дом.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе7
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары