Як у Напалеона: украінскі фермер пабудаваў сабе маўзалей за $3 мільёны ФОТЫ
Фермер збіраецца дазволіць экскурсіі ў сваёй пахавальні, калі ён ужо будзе ў раі, паведамляе грамадскае тэлебачанне Украіны.
Генеральны дырэктар аграпрадпрыемства «Зямля і воля» з сяла Бабровіцы Чарнігаўскай вобласці Леанід Якавішын вырашыў увекавечыць памяць аб сваёй асобе, пабудаваўшы сабе маўзалей.
82-гадовы Якавішын на будаўніцтва пахавальні патраціў 10 гадоў і 3 млн даляраў.
Маўзалей перабудавалі з былога сельскага Дома культуры. Падлогу і калоны там цяпер зробленыя з мармуру. Унутры размешчаны чатыры гіпсавыя скульптуры, якія адлюстроўваюць Якавішына ва ўзросце 20, 40, 60 і 80 гадоў. Статуі і столь пакрытыя сусальным золатам. Будынак таксама ўпрыгожваюць копіі вітражоў з нямецкага храма, якому 600 гадоў.
А ў цэнтры залы — жамчужына маўзалея, 23-тонны саркафаг, коштам $150 тысяч.
Фермер вырашыў, што яго пахаваюць у такім самым саркафагу, як паставілі для Напалеона ў Доме інвалідаў у Парыжы.
Якавішын распавёў журналістам, што маўзалей будзе адкрыты для наведвальнікаў штодня з 10-й да 17-й гадзіны, акрамя выхадных. Але «гэта калі я ўжо буду ў раі», дадаў ён.
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары