Лукашэнка абвінаваціў Львоў і Кіеў у тым, што не хацелі прыняць «замініраваны» Ryanair. Украінскія дыспетчары: Гэта хлусня
Аляксандр Лукашэнка заявіў, што некаторыя гарады не захацелі прыняць самалёт Ryanair пасля паведамлення аб мінаванні. Палітык абвінаваціў Кіеў, Львоў, Вільню і Варшаву. Украінцы гэта абвяргаюць.
Палітык выказаў здагадку, што іншыя краіны пабаяліся адказнасці і таму не прынялі самалёт «з выбухоўкай». Ён нават адзначыў, што камусьці «магло быць трэба, каб самалёт спыніўся ў Мінску».
«Чаму камандзір экіпажа вырашыў пасадзіць у Мінску, калі да Вільні заставалася каля 70 кіламетраў? Чаму ніхто не захацеў прыняць самалёт, калі мы паведамілі аб закладзенай выбухоўцы? Ні Вільня, куды ён ляцеў, ні Варшава, ні Львоў або Кіеў», — заявіў палітык.
Насамрэч паведамленне аб неабходнасці прыняць самалёт з выбухоўкай не паступала ўкраінскім дыспетчарам. Пра гэта журналістам 24 канала распавяла прэс-сакратарка дзяржаўнага прадпрыемства «Украерорух» Аксана Ожыгава.
«Інфармацыя не адпавядае рэчаіснасці», — заявіла Ожыгава.
Кіраўнік прадпрыемства Андрэй Ярмак паведаміў, што на працягу 25-хвіліннага знаходжання самалёта ў Львоўскім раёне палётнай інфармацыі перамовы экіпажа з украінскімі дыспетчарамі праходзілі ў штатным рэжыме. Ніякія паведамленні аб нестандартнай сітуацыі на борце самалёта і запыты на змяненне плана палёту не паступалі ні з якіх крыніц.
У прэс-службе аэрапорта «Кіеў» таксама распавялі, што не атрымлівалі паведамлення аб замініраваным самалёце.
Цяпер чытаюць
Беларускія шпіёны пад дыпламатычным прыкрыццём у ЗША і краінах Еўропы. Хто яны? Поўны спіс5
Каментары