Беларусь мае намер звярнуцца ў Савет ІКАО для ацэнкі правамернасці дзеянняў Украіны і іншых дзяржаў, якія ўстанавілі забароны і абмежаванні на выкарыстанне сваёй паветранай прасторы, паведамілі БелТА ў Дэпартаменце па авіяцыі Мінтранса.
«Беларусь мае намер звярнуцца ў Савет ІКАО для ацэнкі правамернасці дзеянняў Украіны і іншых дзяржаў, якія ў аднабаковым парадку ў парушэнне міжнародных абавязацельстваў устанавілі забароны і абмежаванні на выкарыстанне сваёй паветранай прасторы ў дачыненні да беларускіх авіяперавозчыкаў, для разгляду забеспячэння дзяржавамі-членамі ІКАО аднастайнасці ў прыняцці мер у дачыненні да ідэнтычных здарэнняў, а таксама для юрыдычнай кваліфікацыі пагрозы прымянення сілы з боку Украіны ў дачыненні да беларускага цывільнага паветранага судна ў 2016 годзе», — распавялі ў Дэпартаменце.
У Дэпартаменце па авіяцыі Беларусі заявілі, што ў іх «узнікаюць сумневы ў дастатковасці забеспячэння Украінай бяспекі палётаў і авіяцыйнай бяспекі».
Так што цяпер авіяцыйныя ўлады Беларусі «не рэкамендуюць замежным авіяперавозчыкам выкарыстоўваць паветраную прастору Украіны пры ажыццяўленні палётаў».
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа35
Каментары