МЗС: Пасол ЗША можа падтрымліваць любыя законныя памкненні любых грамадзян хоць у Грэнландыі або на Паўночным полюсе
Такім чынам прэс-сакратар МЗС Анатоль Глаз пракаментаваў словы прадстаўніка Дзярждэпартамента ЗША Нэда Прайса, што, нягледзячы на ўведзеныя ўчора беларускім бокам захады ў адказ на санкцыі ЗША, пасол ЗША ў Беларусі Джулі Фішэр працягне падтрымліваць дэмакратычныя памкненні беларускіх грамадзян за межамі краіны.
Адказ Анатоля Глаза змешчаны на сайце МЗС.
«Гэта цалкам правільна. Джулі Фішэр асабіста можа падтрымліваць любыя законныя памкненні любых грамадзян хоць у Грэнландыі або на Паўночным полюсе. Бо ніякага афіцыйнага дачынення да Беларусі яна пакуль не мае. Гэта прынцыпова важна.
«У адпаведнасці з пунктам 1 артыкула 13 Венскай канвенцыі лічыцца, што кіраўнік прадстаўніцтва прыступіў да выканання сваіх функцый у дзяржаве знаходжання альбо з моманту ўручэння сваіх даверчых грамат, альбо з моманту паведамлення аб сваім прыбыцці і прадстаўлення завераных копій грамат. Так што да завяршэння акрэдытацыі Дж.Фішэр мае толькі гучны статус прызначанага пасла ЗША ў Беларусі, да таго ж выключна для ўнутраных мэт амерыканскага боку. Ніякіх міжнародна-прававых падстаў для іншага тлумачэння не маецца, роўна як і для таго, каб лічыць афіцыйнымі яе заявы альбо іншую дзейнасць у дачыненні да нашай краіны», — сказаў Анатоль Глаз.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ24
Каментары