Уладальніца гарадзенскай крамы тавараў з нацыянальнай сімволікай «Адметнасць» Вольга Верамеенка выйшла на волю пасля трох дзён, праведзеных за кратамі, паведамляе Hrodna.life. Жанчыну абвінавацілі ў пікетаванні. Яе чакае суд.
За трое сутак Вольга змяніла тры камеры. Першы дзень яна знаходзілася ў камеры адна. Затым — у двух розных камерах з людзьмі. Вользе нельга было сядзець днём, да адбою прыбіралі ложак.
3 чэрвеня краму «Адметнасць» чакала чарада правяраючых: ідэолаг, санстанцыя. Каля 17.00 прыйшлі амапаўцы на чале з камандзірам Віктарам Краўцэвічам, пазней — супрацоўнікі Ленінскага РАУС. Яны правялі агляд у краме і затрымалі Вольгу Верамеенка.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў7
Каментары